كل المنشورات / React وNext.js / №04
أي مكتبة واجهات تختار لمشروع React؟
ما يميّز كل مكتبة من أربع مكتبات استخدمتها: Shadcn UI وChakra UI وMUI وAnt Design، ولماذا يتوقف الاختيار على نوع المشروع وحجم الفريق ومقدار التحكم وسرعة التطوير.
في كتير UI Libraries مدعومة مع React، وأكيد كلنا مرّينا بمرحلة الحيرة:
أي مكتبة أختار لمشروعي؟ 🤔
حبيت شارككم رأيي وتجربتي مع أشهر المكتبات اللي استخدمتها 👇
🔹 Shadcn UI
مكتبة قوية جدًا، فكرتها الأساسية إنها تعطيك Components جاهزين ككود وبتعدل عليهم متل ما بدك.
مبنية على Tailwind CSS و Radix UI، وهاد الشي بيعطيك مرونة كبيرة وتحكم كامل.
مناسبة جدًا إذا بدك Design Modern وبنفس الوقت ما بدك تدخل بتعقيدات أنظمة تصميم جاهزة أو قيود مزعجة.
🔹 Chakra UI
من أكتر المكتبات اللي بحبها شخصيًا ❤️
Developer-friendly بشكل رهيب، وبتعطيك مستوى Customization عالي ومريح.
سهل توصل فيها لأي UI ببالك.
ممتازة للمشاريع اللي بدها سرعة تطوير + UI نظيف وجميل.
🔹 MUI (Material UI)
إذا انت من محبين Google Design وبتآمن بذوقهم، فهاي المكتبة معمولة إلك.
بتتبع Material Design بشكل واضح وصريح، وهاد الشي بخليها مختلفة عن باقي المكتبات.
مناسبة جدًا لما بدك UI تقليدي، واضح، ومفهوم، خصوصًا للـ dashboards والأنظمة الكبيرة.
🔹 Ant Design
بحسها واقفة بالنص بين Chakra UI و Shadcn.
مكتبة قوية، شكلها Modern، وفيها Components جاهزين بيوفّروا عليك شغل كتير
مثل: Tables, Forms, Calendar وغيرها.
مناسبة للمشاريع الـ Enterprise أو لما بدك حل متكامل وسريع.
بالنهاية، ما في مكتبة “أفضل” بشكل مطلق
الاختيار دايمًا بيرجع لـ:
- نوع المشروع
- حجم الفريق
- مستوى التحكم اللي بدك ياه
- وسرعة التطوير المطلوبة
أي مكتبة UI بتفضلوها مع React؟
وهل جربتوا مكتبات تانية وبتنصحو فيها؟